2月22日～陰天~
今日係大年初五呀~LEE幾日都冇打日記TIM~今日一早起左身~就係到整埋部電腦啦~
尋日都整左我成晚嫁啦~唉~仲以為整唔到TIM~因為唔知做咩有D我未見過既情況出現左喎~
不過撞下撞下又OK左喎~哈哈~今日D親戚要黎我屋企呀~好彩我今日約左人啫~
唔係又要係屋企招呼佢地啦~今晚同anna同埋徒弟仔仲有世杰去唱k呀~期待中~
2月21日~陰天~
今日係大年初四呀~我呀媽同呀爸又出左去拜年啦~我就費時去啦~
因為d人都見過啦~又逗左利是啦~佢地已經冇哂利用價值啦~哈哈~(咁講好似好衰tim~)
今日我又係係屋企打下機咁~夜晚就係到整下屋企部電腦啦~因為好似話壞左喎~
死啦~整下整下好似愈整愈衰喎~點算好呢~睇黎今晚都係有排整嫁啦~
今晚終於同徒弟仔決定左去加州紅到唱k呀~好開心呀~真係好耐冇見佢地啦~期待中^^
2月20日~陰天~
今日係大年初三~赤口喎~所以我就決定唔出去拜年啦~(其實係我自己唔想出去啫~)哈哈~
今日都係冇咩野做喎~夜晚同徒弟仔佢吹水~話時話我地都好似好耐冇見啦~
我返到黎都好似淨係搵中學d fd冇咩點約佢地tim~返黎之前成日都話要做lee樣做果樣~
點知到頭來都係咩都冇做過呀~今次一定要下定決心約佢地出黎呀~
今晚同徒弟仔初步決定左去唱K呀~不過要等佢問一問D價錢先~
2月19日~毛毛雨~
今日係大年初二呀~即係指定動作~去呀嫲屋企拜年呀~
我地一早就去左呀嫲屋企啦~因為今日朝早有美女廚房睇啦~哈哈~
所以就一早去左呀嫲到睇電視啦~不過其實個集我都睇過嫁啦~
不過睇多次都係咁攪笑呀~哈哈~我地食完飯之後就同我呀叔一家出左去拜年啦~
第一站我地就去左呀姑媽都啦~之後我地就去左我大伯屋企啦~
佢屋企真係好多野食呀~正呀~食到我唔停得口tim~
之後我地三家人就出左去酒樓到食野啦~嘩~好多好餸呀~
今日係咁同我個堂細佬玩呀~佢真係好好玩呀~同玩足成日都唔攰既~
佢依家仲係讀緊幼稚園中班咋~哈哈~真係好可愛呀~講野又成個abc咁喎~超得意~
2月18日~陰天~
今日終於到左大年初一啦~今日我由內到外到係全新呀～哈哈～
之前買左咁多新衫～今日就全部出擊啦～我地食完晏晝之後就出左東涌啦～
去大舅母到拜年啦～唔知做咩D親戚個個都話我肥左喎～
係咩～我又唔覺我自己肥左喎～哈哈～
食完餐夜晚之後我就同呀妹AND呀媽落左去東薈城到行啦～
因為個到好似全部都係OUTLET喎～嘩～一去到～個到真係天堂呀～
有好多OUTLET呀～我地去左ESPRIT到行啦～個到大到真係成個SUPERSTORE咁呀～勁爆～
個到基本上係咩碼你都可以搵到～仲要係自助式TIM～唔洗有D人走埋黎煩住哂～
我地係個到行左好耐呀～個個都有收獲呀～之後我地就諗住去第二到行啦~
點知因為我地係ESPRIT行得太耐啦～其他都關哂門啦～唉～冇得睇其他啦～
仲諗住可以買多條褲TIM～之後我去左下面關左門既NIKE都WINDOW SHOPPING下啦～
點知我就有個驚人既發現喎～就係入面既然有13號鞋賣喎～嘩～係咪癲嫁～咁大對鞋～
真係好想入去睇下呀～我諗一定有我D碼LO～下年新年一定要黎LEE到買野呀～
肯定可以一之過買哂D野啦～
2月17日～晴～
今日係年三十晚呀～今日係LEE一年既最後一日啦～
晏晝呀媽同呀爸就去左沙田到行喎～我就費時去啦～阻住佢地二人世界咩～
夜晚我地就去左葵芳到食團年飯啦～去左個間食蘇杭野喎～
D野都幾好食嫁～食到好飽呀～之後就俾凱琪叫左出去行年霄啦～
我地夜晚10點幾11點去到旺角個個花市啦～嘩～真係好多人呀～
好似多過上年TIM呀～我地去到個到基本上都唔係睇嫁啦～淨係行LO～
D人係咁推你行～冇得停係到睇LO～我地行左一陣都係決定走啦～
之後我地就去左食野啦～D茶餐廳真係呃錢啦～寫明15蚊一杯凍檸賓～佢仲要加兩蚊喎～
都話明係凍檸賓啦～都仲要加我凍飲錢～你玩野咩～唉～算啦～
食完之後我地就搭mtr返去啦～聽日就係年初一啦～希望新一年有新既開始啦～
Chatboard (0)